SmartieS's profileSmartiesPhotosBlogListsMore  |  Tools Help |
|
5/30/2007 دلال ماتــــــت !!!!!!!!!قعدت من النوم الصبح و كان بأول نص ساعة كل شي ماشي كالمعتاد .... كل شي عادي ..... قعدة الصبح اللي بالغصب الواحد يقومها و احاتي الدوام و البصمة و البس بسرعه بسرعه ..... لبست و خلصت .... وصل جثمان دلال حطوه بالمصلى ... قالوا حق الحريم منو يبي يشوفها ؟؟؟ محد تحرك ولا احد تكلم ؟؟؟ قالولنا مكفنينها ماراح يبين ويهها ... اهني تشجعت و رحت على طول كنت بروحي معاها ... أول وحدة دشت عليها من الحريم أنا ... شفت جسدها و مو مصدقة هاذي دلول ... قعدت يمها وانا ارجف حطيت ايدي على راسها و قريت الفاتحة و طلبتلها الرحمة ... بعدها دشو الحريم علينا ... اختي قعدت يمي و تبجي و انا اقولها لأ هاذي مو دلول ... هاذي مو دلول ... و الحريم يقولون لي لا تبجين طلبيلها الرحمة لا تبجين ... ( شلون ما أبجي هاذي دلول مكفنة و ما تبوني أبجي ) دلال بسام النقي قبلها الصلوات على محمد وآل محمد
الاثنين 14-5-2007 شريفة اليوسف 7/16/2006 إجراءات التخرجالسلام علييييييييكم ... شلونكم و شخباركم؟؟
من زمان ما كتبت بالسبيس ... اعذروني و ذلك لظروف راح اذكرها لكم
اول شي
احب ابارك لكل دفعتي اللي تخرجوا الكورس اللي طاف و اقولهم الف الف مبرووك
و يا هلا و يا مرحبا فيكم في عالم البطالة
وثاني شي
اليوم راح اتكلم عن سبب ابتعادي عن النت و عدم الكتابة بالـ سبيس
مثل ما انتو عارفين انا عيوز و صارلي 4 سنين ادرس بجامعة الكويت المخضرمة
و في هالايام انا مشغوولة بالدراسة
 و صايرة شاطرة و قاعده اسوي اجراءات التخرج و اخيرا راح افتــك من الدراسة و الامتحانات و النوم بالمحاضرات و راح افتك من فترة التسجيل و السيستم الكحيان
و الشعب المغلقة و اهم شي افتـــك من بـــــرجـر كيـــنج اللي ابلشونا فيه ... صج اني راح اشتاق حق الكلية
و اشتاق حق ايامها ... بس ما عليه كل شي يهون في سبيل التخرج
هاذي صورة استمارة التخرج .. وناسة حسيت بشعور حلوو لما كنت اكتبها
 صورة الملخص اللي في السيستم
 كلمة أخيرة للطلبة المستمرين : مووووتــووو من الحــــرررره
لا لا اتغشمر معاكم .. اخاف يطلع لي شي ولا مادة يقولون لي مو ماخذتها و ما اتخرج
ا الله يوفقكم كلكم و الفاااااال لكم
 تحياتي
Smarties 3/31/2006 ماراثون الوطنيهلوووو هلووو شلونكم ؟؟؟ و شخباركم؟؟
امس كان ماراثون البنك الوطني طبعا مثل ما انتو عارفين ان صديقتكم سمارتيز دايما تفوز بالمراكز الاولى في مثل هذي السباقات الكبيرة
 و امس فزت بالمركز الاول من الاخير في فئة البنات الحلوين من 21 لي 35 سنة والحين اخليكم مع الصور
.jpg) اهني في نقطه الانطلاق من المرينا مول
.jpg) رقمي رقم الحظ 46
  copy.jpg) اهني عند نقطة النهاية مع ارنب نيسكويك
  copy.jpg) ( وصلنا الجزيرة الخضراء بسلام ..( انا و اورانج
 اهني بالجزيرة الخضرا كانو يايبين فرقة بلال الشامي وناااااسه
.jpg) مثل ما انتو شايفين ظلمت الدنيا و خلص السحب و صلوح ملوح اللي يدل بيته يروح
 copy2.jpg) انا و أم ملاس في الباص في طريق العودة إلى نقطة البداية .. المرينا مول .. و مثل ما انتو شايفين ردينا و ايدنا فاضية
لا فزنا بالمسابقة ولا فزنا بالسحب 3/7/2006 للكبـــــار فقط !!!
احساس مؤلمالموضوع مبيوق من احد السبيسات
  احساس مؤلم
أن تقضي عمرك الصغير في التضحية وحين تسقط تتألم من أعينهم التي تراك و كأنها لم تراك احساس مؤلم
أن تضحك معهم وحين تبكي لاتجد من يمسح د معتك احساس مؤلم
أن تجد بعد العناء من يحبك لكنك في النهاية عاجز عن الوصول اليه احساس مؤلم
أن ترى الغالي يتعذب وتتعذب لعذابه وأنت فاقد للراحة فكيف تعطيها احساس مؤلم
أن تبقى على أحلامك في ريبة هل تتحقق ام لا والأشد كراهة أن تعيش كما يقال (على حلم عيا يتحقق وعجزت في نفسك تقطعه) احساس مؤلم
أن تكون في أشد حالات الجوع وأصناف المأكولات أمامك وأنت متعب نفسيا بل ومرهق حسيا لا تستطيع الأكل احساس مؤلم
ان تحب وتتعلق بالقاسي عديم الذوق تتعب له مرة بعد مرة ويستمتع هو بتعبك كل مرة احساس مؤلم
أن تعاتب من لايستحق العتاب احساس مؤلم
أن تواجه كل المشاق بمفردك والجميع من حولك وقوف يتفرجون احساس مؤلم
أن لاتجد من يلقي سمعه لكلمة الحق احساس مؤلم
أن تخطئ وتتمادا في خطئك ومن هم بمسمى( اخوتك) يضحكون فتحتار هل صحيح انهم يحبونك ويحبون لك الخير احساس مؤلم
أن تظيع بين الهموم ولاتجد من تستشير فأين هم الذين من حولك قبل قليل؟ احساس مؤلم
تهرب من قلقك بالنوم فيوقضك القلق احساس مؤلم
أن تسمع أجمل الكلام وأحلاه من كاذب إحساس مؤلم
أن ترى العالم يسير في اتجاه وانت تسير في اتجاه آخر وكلك يقين أنهم على خطأ وانت على حق إحساس مؤلم
ان تحس بالألم والتعاسة وكل من حولك يظن أنك أسعد الناس على وجه الارض إحساس مؤلم
عندما ترى الام التي ضحت بالكثير من اجل ابناءها ملقاه في دور العجزة بدون أدنى احساس من الابناء بالذنب إحساس مؤلم
أن يكسر كل شيء في داخلك وتبقى مجرد خيال يظنه الاخرين إنسان 12/8/2005 عاصمة الضبابهلووووووو شلونكم شخباركم
اليوم ماراح اطول عليكم بس ودي اوريكم صورتين
و راح اخلي الصور تتكلم عن الضباب :p 11/22/2005 حلقة جديدة من مغامرات سمارتيزاليوم بقولكم شصار معاي
 طلعت من الكلية في تمام الساعة الرابعة عصراً
 مع رفيجتي و توجهنا لي سيارتي اللي صافطتها بالبراحة  اول ما وصلت عند سيارتي جان اشوف شيييييييي عجيب و غريب و أول مرة اشوووفة !!!  تدرووون شنووووووو؟؟؟؟ شفت شي صغير حاطينه على باب سيارتي انصدمت و بعدين استوعبت انها ورقه جان اقول حق رفيجتي اللللللللللللله ونااااااااسه في احد مرقمني لووووووووووووول مو شايفة خيرو أخيرا تحقق الحلم و احد انعجب فيني لووووول عاد قبل لا افتحها توقعت انها من أم ملاس لاني اعرف سوالفها شلون صايرة بس لما فتحت الورقه طلعت مو من ام ملاس قريت اول كلمتين و ما فهمت عدل جان اقرا اخر شي ولا المرسل حاطلي توقيعه كاتب (ناصر)
اهني عرفت ان ولد خالي لووووول عاد بعدين رديت قريت الكلام اللي فيها - كاتب
ما تيوزين كله تسفطين اهني إله تبينها اتبنجر مره ثانيه ;P
(ناصر)
مسكين يحاتي سيارتي خايف عليها لا اتبنجر لان اهو اللي راح يصلحها لوووووووووووول 8/26/2005 بنشر بنجر اللي يصيركان يا ماكان في يوم من أيام الكورس الصيفي الحار جدا جدا جدا
كنت رايحه الكليه بسيارتي الحلوه ولا تبنشر مادري تبنجر اللي اهو
و كان عندي وقتها امتحان عاد خشيت سيارتي ورا الزرع علشان محد يشوفها عن الفضايح
و اتصلت على ولد خالي المنقذ و صلح سيارتي المسكينه
صج صج صج ما تستاهل :(
المهم راح اخلي الصور تتكلم
 تحياتي لـ ولد الخال
M5-Mpower
الله يعطيك ألف عافية و مشكور ما قصرت 8/10/2005 عظم الله أجري :(وصلنا هذا الخبر من مراسلتنا ميمونه في مطبخ بيتنا
------
الكاسكو اللي كان بمطبخنا عطاكم عمره
الله يرحمه كان خوش كاسكو عندنا اياه من 15 سنه :(
و سبب الوفاة: سكته قلبية
تقبل التعازي في حديقة الحيوان في العميرية
8/1/2005 خلصنا وافتكيناهلوووووووو
شلوونكم شخباركم .... ادري مشتاقين لي
واللي ما اشتاقلي اهديله هالاغنيه - يا عديم الشوق
------------------------------------------------------------------------------------
وأخيرا خلصنا من الصيفي و الحر و الخيسه و افتكيت من كليه التربية المأساة بصراحه اخر مره اخذ ماده بكيفان
يا حلات كليتي والله عايشين بعززززز
المهم بعدين اكمل السوالف و احطلكم صور الحين انا دايخه و ابي انام
سي يوو باااي  6/10/2005 C+ C+ C+ Cشرايكم فيني ؟؟ شاطرة صح ؟؟؟ المهم خلصت امتحانات و افتكيت من هالكورس البايخ الله يستر من الصيفي :P 5/21/2005 EmTe7aNaT TiMeيله يا شطار شدو حيلكم بامتحانات الفاينل و هالله هالله بالدرجات السنعة موفقين انشالله
5/12/2005 My `3amazat
طافكم اليوم واحد انعجب فيني وناسسسسسة :P و أخيرا أحد عطاني وي خل اقولكم السالفة ... اليوم الله يسلمكم كنت راده من الكليه الساعه 6 و ميته من اليوع رحت ماكدونالدز اللي بولايتنا ... وقفت عند خدمة السيارات ... بطلت الدريشة ولا اييلي الريال اللي ياخذ الطلبات .. جان يقولي يور غمازة بيوتيفول( مادري متى شاف غمازاتي) ... جان اقوله اي عندي ثنتين مو وحده المهم خذا الطلب ... ( فش فليه ميل ) وعطيته الفلوس راح و رد علشان يعطيني الفاتورة و الخردة جان يقولي جم عمرج قلتله عمري( يمكن فكر ان يخطبني) و قالي وين يو سمايل يو ميك بيبول هابي لوووووووووول قلتله صجج؟؟ قالي ياااااا .... طبعا انا تشققت ما صدقت احد ينعجب فيني و كل شوي رايح و راد و يقولي سمايل و سمايل آخر شي جان اييبلي هالتفاخيه الظريفة (شدراك عندي اخت صغيرة) و بس خذيت الطلب و انطلقت إلى بيتنا و تغديت مادري تعشيت و طفحت و إلى اللقاء في الحلقة القادمة من مغامرات سمارتيز
|
واتنمى ان الموضوع يعجبكم بس ديرو بالكم ترا يخرع وخرو اليهال اللي يمكم 
هايييييييي 
اللي تشوفونها بالصورة و قالي فور يو ليتل سيستر لووووول|
|
